Kæru foreldrar/forráðamenn, ættingjar og vinir
Í tilefni 90 ára afmælis skólans bjóðum við aðstandendum nemenda til veislu föstudaginn 15. apríl kl. 13-14.
Dagskráin fer fram í hátíðarsal skólans og að henni lokinni verðum gestum boðið að ganga um skólann og sjá afrakstur vinnu nemenda og þiggja veitingar.
Þennan morgun fellur hefðbundinn söngur á sal niður.
Vinsamlega leggið ekki bílunum þannig að umferð teppist næst skólanum. Til að allt gangi sem best fyrir sig bendum við á að hægt er að leggja á stóra stæðið hjá Kennaraháskólanum og ganga síðan á milli húsanna yfir til okkar. Skrefin verða aðeins fleiri en nágrannarnir verða sáttari við okkur.
Við hlökkum til að sjá ykkur,
starfsfólk Ísaksskóla
Sigríður Anna Guðjónsdóttir
