Bekkjamyndir verða teknar mánudaginn 1., þriðjudaginn 2. og miðvikudaginn 3. október. Foreldrar/forráðamenn hafa þegar fengnið nánari upplýsingar frá Láru á skrifstofunni.
Vinavika verður 23.-26. október.
Verkefnið útivinir verður í gangi 10. – 19. október Útivinir er verkefni þar sem nokkrir 8 og 9 ára nemendur standa fyrir útileikjum á skólalóðinni í frímínútum fyrir yngri nemendur undir handleiðslu kennara.
Foreldradagur er þriðjudaginn 9. október. Þann dag fara fram einstaklingsviðtöl foreldra við kennara. Kennarar munu hafa samband við foreldra og bjóða viðtalstíma. Athugið að á foreldradegi er engin kennsla og ekki starfsemi í Sunnuhlíð né Sólbrekku.
Vetrarfrí er fimmtudaginn 18., föstudaginn 19. og mánudaginn 22. október. Athugið að í vetrarfríinu er engin kennsla og ekki starfsemi í Sunnuhlíð. Sólbrekka verður opin fyrir 5 ára börn sem ekki taka vetrarfrí.
Alþjóðlegi bangsadagurinn er 27. október ár hvert. Við höldum upp á hann föstudaginn 26. október. Nemendur mega koma með bangsa (tuskudýr) sem passa í skólatöskuna og jafnframt vera með þá í söng á sal en ekki í frímínútum.
Með haustkveðjum,
starfsfólk Ísaksskóla
