Kæru foreldrar,
Mikil samstaða myndaðist á fræðslufundi Foreldrafélagsins í vikunni að gera merkingarátak á fötum barnanna okkar, því öll föt merkt barni endar í hólfi þeirra í samhenta Ísakskólasamfélaginu!
Það er huggulegt föndur að merkja fötin sín með börnunum í skammdeginu, undir undirspili kardímommubæjarins „hvar er húfan mín og hvar er hettan mín…“ og þá verður ennþá skemmtilegra að sjá sýninguna þegar hún keyrir í gang aftur!
Hvað? Merkja allt sem barnið getur orðið viðskilja við:
. Húfur, vettlingar og treflar
. Útiföt og skór
. Utanyfir peysur, þ.á.m skólahettupeysurnar nýju!
. Allir pokar og töskur, t.d. sundpokar og fjölnotapokar með aukafötum
. Nestisbox og drykkjarílát
. Tómstunda fylgihlutir: Fótbolti, fótboltahanskar
Hvernig?
. Með nafni barns og símanúmeri foreldris
. Gamlar merkingar með nafni systkina eða vina virka alls ekki
. Merkja má með fínum tússpenna (sjá myndir; permanent marker) á áberandi flöt
. Límmiðar fást fyrir drykkjaráhöld og fasta hluti, en einnig mjög hentugir fyrir poka, húfur og vettlinga sem erfitt er að tússa á. Hægt að velja mynd með hjálp barns. Ólæs börn þekkja myndina sína!
. Dæmi um vefsíður sem meðlimir í stjórn foreldrafélagsins hafa jákvæða reynslu af
o https://merkt.is (í Skeifunni, bæði hægt að fá límmiða og straumiða) Munið að hægt er að nota límmiða á bæði fasta hluti og föt
o www.navnelapper.no (kemur beint í póstkassa, skilvirkt og ódýrt)
. Dæmi um vefsíður sem tengja sig við Ísland (sett fram án ábyrgðar eða þekkingar á gæðum þjónustunnar)
o https://merkimidar.is/
o https://www.labelyourself.is/merking_i_fot
Hversu stór er vandinn?
. Venjulega fara 10-12 stórir svartir ruslapokar af munum í rauða krossinn á ári.
. Bróðurpartur þessa muna var ómerktur eða með merkingum sem stemmdi ekki við barn í skólanum
. Um ræðir allt frá úlpum, kuldagöllum, peysum yfir í minni muni eins og húfur, töskur, poka …. allt sem börnin koma með í skólann!
. Vönduð húfa eða vettlingar kosta léttilega 5000 kr. meðan 100 límmiðar kosta 2000 kr! Fjárhagsleg sóun má því áætla að sé einhver hundruðir þúsunda á ári.
Við lýsum eftir sjálfboðaliðum í foreldrafélagið
Foreldrafélagið er sjálfboðaliðastarf. Við þyggjum alla hjálp og reynslu sem okkar foreldrahópur hefur fram að færa. Áhugasamir sendi póst á hrefnu88@gmail.com ef þau vilja taka þátt í Allar flíkur heim átakinu með okkur.
Sterkt foreldrafélag = betri skóli ??
Stjórn foreldrafélags Ísaksskóla
