Fyrsti sunnudagur í aðventu er 3. desember. Við kveikjum á fyrsta kerti aðventukransins föstudaginn 1. desember, á morgun.
Foreldrafélagið stendur fyrir jólaferðum á Árbæjarsafn þrjá sunnudaga á aðventu, 3., 10. eða 17. desember – afsláttarmiðarnir eru þegar komnir heim í töskunum.
Kirkjuferð er miðvikudaginn 6. desember. Sr. María Ágústsdóttir tekur á móti nemendum, starfsfólki og foreldrum kl. 9:00 í Háteigskirkju. Lagt verður af stað frá skólanum kl. 8:30 stundvíslega. Börnin eiga að vera klædd eftir veðri því lagt er af stað frá skólanum og gengið til kirkju fljótlega eftir að hringt er inn. 5 ára bekkirnir fara fyrstir og síðan koll af kolli. Kirkjubekkir eru fráteknir fyrir hvern bekk skólans. Aðstandendur eru velkomnir í kirkjuna en taka sér sæti aftan við börnin í kirkjunni og á hliðarbekkjum.
Þeir foreldrar/forráðamenn sem vilja ekki að börnin þeirra fari í kirkjuna geta haft samband við Láru á skrifstofunni eða umsjónarkennarann. Allir verða komnir til baka í skólann um kl. 10.
Jólasveinahúfudagur verður föstudaginn 15. desember. Þá mega allir nemendur koma með húfuna í söng á sal.
Litlu jólin eru þriðjudaginn 19. desember í skólastofum. Þann dag er venjulegur kennsludagur en nemendur mega koma með smákökur og drykkjarföng í fernum (röradrykk) í aukanesti. Ekkert gos er leyfilegt.
Jólatrésskemmtanir eru miðvikudaginn 20. desember. Jólaböllin eru tvö. Hið fyrra frá kl. 13:00-14:30 (mæting kl. 12:45) og hið seinna frá kl. 15:00-16:30 (mæting kl. 14:45). Nemendur safnast saman í skólastofunum sínum og ganga svo með sínum kennara að trénu í salnum. Engin kennsla eða gæsla er þennan dag og því miður er ekkert pláss fyrir foreldra eða vini á þessum jólatrésskemmtunum.
Kl. 13:00 – 14:30
5 ára EE
5 ára IG
6 ára SÓL
6 ára SG
7 ára ALH
8 ára HÞ
9 ára EBH
Kl. 15:00-16:30
5 ára HTH
5 ára HKJ
6 ára MBD
7 ára EÁK
7 ára SH
8 ára ÞEK
9 ára Lilla
Sólbrekka verður opin fimmtudaginn 21. og föstudaginn 22. desember kl. 8:30- 16:30 fyrir þau 5 ára börn sem ekki byrja strax í jólafríi.
Skólinn hefst á nýju ári fimmtudaginn 4. janúar 2017 kl. 8:30 samkvæmt stundaskrá.
Með kærum kveðjum,
Sigríður Anna Guðjónsdóttir
