Fyrsti sunnudagur í aðventu er 1. desember. Við kveiktum á fyrsta kerti aðventukransins í morgun, föstudaginn 29. nóvember.
Foreldrafélagið stendur fyrir jólaferðum á Árbæjarsafn tvo sunnudaga á aðventu 15. eða 22. desember – afsláttarmiðarnir verða settir í skólatöskurnar í dag, föstudaginn 29. nóvember.
Kirkjuferð er miðvikudaginn 4. desember. Sr. María Ágústsdóttir tekur á móti nemendum, starfsfólki og foreldrum kl. 9:00 í Háteigskirkju. Lagt verður af stað frá skólanum kl. 8:30 stundvíslega. Börnin eiga að vera klædd eftir veðri því lagt er af stað frá skólanum og gengið til kirkju fljótlega eftir að hringt er inn. 5 ára bekkirnir fara fyrstir og síðan koll af kolli. Kirkjubekkir eru fráteknir fyrir hvern bekk skólans. Aðstandendur eru velkomnir í kirkjuna en taka sér sæti aftan við börnin í kirkjunni og á hliðarbekkjum.
Þeir foreldrar/forráðamenn sem vilja ekki að börnin þeirra fari í kirkjuna geta haft samband við Láru á skrifstofunni eða umsjónarkennarann. Allir verða komnir til baka í skólann um kl. 10.
Jólasveinahúfudagur verður föstudaginn 13. desember. Þá mega allir nemendur koma með húfuna í söng á sal.
Litlu jólin eru fimmtudaginn 19. desember í skólastofum. Þann dag er venjulegur kennsludagur en nemendur mega koma með smákökur og drykkjarföng í fernum (röradrykk) í aukanesti. Ekkert gos er leyfilegt.
Jólatrésskemmtanir eru föstudaginn 20. desember. Jólaböllin eru tvö. Hið fyrra frá kl. 13:00-14:30 (mæting kl. 12:45) og hið seinna frá kl. 15:00-16:30 (mæting kl. 14:45). Nemendur safnast saman í skólastofunum sínum og ganga svo með sínum kennara að trénu í salnum. Engin kennsla eða gæsla er þennan dag og því miður er ekkert pláss fyrir foreldra eða vini á þessum jólatrésskemmtunum.
Kl. 13:00 – 14:30
5 ára HTH
5 ára EBH
6 ára BVK
6 ára SH
7 ára EE
7 ára HÞ
8 ára MBD
9 ára VLA
Kl. 15:00 – 16:30
5 ára IG
5 ára SÓL
6 ára MÓH
7 ára ÞEK
8 ára SG
9 ára EÁK
Sólbrekka verður lokuð á milli hátíðanna.
Skólahald hefst á ný 6. janúar.
Með hlýjum kveðjum,
starfsfólk Ísaksskóla
