Foreldradagur verður þriðjudaginn 14. febrúar. Þann dag fara fram einstaklingsviðtöl foreldra við kennara. Kennarar munu hafa samband við foreldra og bjóða viðtalstíma. Þennan dag er engin kennsla né starfsemi í skólanum.
Vetrarfrí er mánudaginn 20. febrúar og þriðjudaginn 21. febrúar.
Athugið að þessa tvo daga er engin kennsla og ekki starfsemi í Sunnuhlíð. Sólbrekka er opin fyrir þau 5 ára börn sem ekki taka vetrarfrí kl. 8:30-16:30 báða dagana.
Bolludagur, sprengidagur og öskudagur eru mánudaginn 27., þriðjudaginn 28. febrúar og miðvikudaginn 1. mars. Þeir eru að jafnaði hefðbundnir skóladagar hjá okkur. Þó viljum við benda á að á:
… bolludag mega börnin koma með rjómabollur í skólann í aukanesti.
… sprengidag – saltkjöt og baunir, túkall.
… öskudag mega börnin koma í búningum í skólann. Við viljum biðja ykkur um að geyma öll vopn heima. Þessi dagur er hefðbundinn fram yfir löngu frímínúturnar. Að þeim loknum tekur foreldrafélagið við og sér um skemmtiatriði á sal og í íþróttasal fram til kl.14:10.
Með góðum kveðjum,
starfsfólk Ísaksskóla
