Vísindastund verður miðvikudaginn 7. febrúar. Þá mun hver árgangur spreyta sig á tilraunum.
Bolludagur, sprengidagur og öskudagur eru mánudaginn 12., þriðjudaginn 13. og miðvikudaginn 14. febrúar. Þeir eru að jafnaði hefðbundnir skóladagar hjá okkur. Þó viljum við benda á að á:
… bolludag mega börnin koma með rjómabollur í skólann í aukanesti.
… sprengidag – saltkjöt og baunir, túkall.
… öskudag mega börnin koma í búningum í skólann. Við viljum biðja ykkur um að geyma öll vopn heima. Þessi dagur er hefðbundinn fram yfir löngu frímínúturnar. Að þeim loknum tekur foreldrafélagið við og sér um skemmtiatriði á sal og í íþróttasal fram til kl.14:10. Eftir það tekur frístundin við eins og aðra daga.
Vetrarfrí er fimmtudaginn 15. febrúar og föstudaginn 16. febrúar.
Athugið að þessa tvo daga er engin kennsla og ekki starfsemi í Sunnuhlíð. Sólbrekka er opin fyrir þau 5 ára börn sem ekki taka vetrarfrí.
Foreldradagur verður miðvikudaginn 28. febrúar. Þann dag fara fram einstaklingsviðtöl foreldra við kennara. Kennarar munu hafa samband við foreldra/forráðamenn og bjóða viðtalstíma. Athugið að á foreldradegi er engin kennsla og ekki starfsemi í Sunnuhlíð né Sólbrekku.
Mót hækkandi sól,
starfsfólk Ísaksskóla
