Vinasamtök Skóla Ísaks Jónssonar, Vinir Ísaksskóla hafa ákveðið að ráðast í gerð heimildarmyndar um Ísak Jónsson og Ísaksskóla. Skólinn verður 90 ára á þessu ári og er ráðgert að frumsýna myndina á afmælisárinu.
Mikið myndefni er til um Ísaksskóla, bæði ljósmyndir og gömul og ný myndskeið. Saga skólans er vel varðveitt og verður þetta í fyrsta sinn sem þessari merku stofnun verður gerð skil í heimildarmynd.
VIÐ LEITUM TIL ÞÍN
Samstarf við KAROLINA FUND um hópsöfnun vegna verkefnisins er hafið. Söfnunarsíða hefur verið opnuð og mun verða opin til 15. mars nk. Þar sem rekstrarfé skólans fer aðeins í að reka skólann er nauðsynlegt að safna fé til gerðar myndarinnar.
Einnig er hægt að gerast vinur Ísaksskóla með því að hringja í síma 553-2590, senda tölvupóst á vinasamtokin@isaksskoli.is eða með því að mæta til okkar á skrifstofuna til skráningar og greiða frjálst framlag. Öll framlög eru mikils metin. Söfnunarreikningur samtakanna er í vörslu skólans og er 526-26-600269, kt. 600269-4889.
Með því að styrkja gerð heimildarmyndarinnar gerist viðkomandi um leið Vinur Ísaksskóla og stuðlar að því að varðveita sögu skólans og efla skólastarfið enn frekar.
