Kæru foreldrar/forsjáraðilar
Gleðilegt nýtt ár 2023! Um leið og við þökkum fyrir allar góðu stundirnar þá hlökkum við til enn fleiri gefandi stunda með ykkur á nýja árinu.
Skipulagsdagur verður þriðjudaginn 3. janúar. Engin starfsemi er í Sunnuhlíð né Sólbrekku þennan dag.
Fyrsti skóladagurinn á nýju ári er miðvikudagurinn 4. janúar kl. 8:30 og morgungæslan verður á sínum stað.
Skólaleikar verða miðvikudaginn 11. janúar. Sóley Ósk, Matti Guðmunds og Kiddi eru búin að skipuleggja ýmsar keppnisgreinar/þrautir sem henta öllum. Skólaleikarnir verða innanhúss.
Þorragleði verður föstudaginn 20. janúar. Þann dag mega allir koma í lopapeysu eða þjóðlegum klæðnaði. Í söng á sal verða þorralög sungin og eftir söngstund fá börnin að smakka þorramat.
Mót hækkandi sól,
starfsfólk Ísaksskóla
