Foreldradagur er fimmtudaginn 8. október. Þann dag fara fram einstaklingsviðtöl foreldra við kennara. Viðtalsfundir verða að þessu sinni rafrænir. Kennarar munu hafa samband við foreldra og bjóða viðtalstíma. Athugið að á foreldradegi er engin kennsla og ekki starfsemi í Sunnuhlíð né Sólbrekku.
Skipulagsdagur verður föstudaginn 9. október. Athugið að þann dag er engin kennsla og ekki starfsemi í Sunnuhlíð eða Sólbrekku.
Verkefnið útivinir verður í gangi 12.-16. október. Útivinir er verkefni þar sem nokkrir 8 og 9 ára nemendur standa fyrir útileikjum á skólalóðinni í frímínútum fyrir yngri nemendur undir handleiðslu kennara.
Vetrarfrí er fimmtudaginn 22., föstudaginn 23. og mánudaginn 26. október. Athugið að í vetrarfríinu er engin kennsla og ekki starfsemi í Sunnuhlíð. Sólbrekka verður opin fyrir 5 ára börn sem ekki taka vetrarfrí.
Alþjóðlegi bangsadagurinn er 27. október ár hvert. Við höldum upp á hann föstudaginn 30. október. Nemendur mega koma með bangsa (tuskudýr) sem passa í skólatöskuna og jafnframt vera með þá í söng á sal en ekki í frímínútum.
Vinavika verður 27.-30. október.
Með haustkveðjum,
starfsfólk Ísaksskóla
