Öll gjöld eru innheimt fyrirfram og er gjalddagi 1. hvers mánaðar og eindagi um 10. hvers mánaðar. Eftir þann tíma bætast dráttarvextir við gjöldin. Skólagjöldum og mataráskrift er skipt jafnt niður á 10 máuði, september-júní, hjá grunnskólabörnum og 5 ára börnum utan Reykjavíkur. Fyrir 5 ára börn úr Reykjavík er greitt í 11 mánuði. Skólagjöld skulu greidd fyrir allt skólaárið þó svo að barn/nemandi hætti í skólanum á skólaárinu.

Ef forsjáraðilar skulda gjöld meira en tveggja mánaða hefur skólinn heimild til þess að setja skuldina í innheimtu með tilheyrandi kostnaði. Forsjáraðilar staðfesta einnig með samningi þessum skuldleysi við þann skóla sem barnið kemur úr.

Reikningur verður sendur til greiðanda í tölvupósti og bankakrafa stofnuð en ekki prentaður út greiðsluseðill. Mikilvægt er að tilkynna til skólans ef breyting verður á tölvupóstfangi því það er aðalsamskiptaleið skólans við greiðanda.

Forsjáraðilar eru þeir sem fram koma í Mentor.is og eru samábyrgir fyrir skólagöngu barnsins og greiðslu allra gjalda. Forsjáraðilar greiða gjöld frá þeim tíma sem barnið er skráð í skólann. Ef forsjáraðilar standa ekki skil á greiðslu ofangreindra gjalda hefur skólinn heimild til þess að láta skrá viðkomandi á vanskilaskrá Creditinfo.

Athugið að breytingar á allri áskrift eru skráðar gegnum vef skólans eða á skrifstofu skólans og þurfa að berast fyrir 20. hvers mánaðar.

Skólasamningur skólaárið 2025-2026