Foreldradagur verður miðvikudaginn 7. febrúar. Þann dag fara fram einstaklingsviðtöl foreldra við kennara. Opnað hefur verið fyrir bókanir í viðtölin á Mentor. Athugið að á foreldradegi er engin kennsla og ekki starfsemi í Sunnuhlíð né Sólbrekku.
Bolludagur, sprengidagur og öskudagur eru mánudaginn 12., þriðjudaginn 13. og miðvikudaginn 14. febrúar. Þeir eru hefðbundnir skóladagar hjá okkur. Þó viljum við benda á að á:
… bolludag mega börnin koma með rjómabollur í skólann í aukanesti.
… sprengidag – saltkjöt og baunir, túkall.
… öskudag mega börnin koma í búningum í skólann. Við viljum biðja ykkur um að geyma öll vopn heima. Kötturinn verður sleginn úr tunnunni strax um morguninn svo það er mikilvægt að koma tímanlega í skólann. Eftir skóla tekur frístundin við eins og aðra daga.
Vetrarfrí er mánudaginn 19. febrúar og þriðjudaginn 20. febrúar. Athugið að þessa tvo daga er engin kennsla og ekki starfsemi í Sunnuhlíð. Sólbrekka er opin fyrir þau 5 ára börn sem ekki taka vetrarfrí.
Með hlýjum kveðjum,
starfsfólk Ísaksskóla
